Shan E Siddique E Akbar Quran Hadees, Intiqaal Shareef, Kalimah-e-Shahadat ki barakat, Gustakh-e-Sahaba Abu Bakr, Sahaba-e-Kiraam ka nihayat adab kiji
Shan E Siddique E Akbar Quran Hadees Se In Hindi -irfani
 |
| /Shan-E-Siddique-E-Akbar |
Shan E Siddique E Akbar - "Azeem Taba'ie Buzurgh Hazrat Sa'eed Bin Jubayr , farmatay hayn: Huzoor Nabi-e-Kareem sallallaho alaywasallam kay pas (Surah Fajr ki) ye Ayaat-e-Mubarikah tilawat ki ga'een.
 |
| Shan_E_Siddique_E_Akbar |
Tarjuma-e-Kanz-ul-Iman: Ay Itminaan wali jaan! Apnay Rabb ki taraf wapas ho yun keh Tu us say Razi woh tujh say Razi phir mayray khas bandon mayn dakhil ho aur mayri Jannat mayn aa.
(Parah 30, Surah Fajr. Ayah 27 ta 30)
Tu Hazrat Sayyiduna Abu Bakr Siddiq nay kaha: Ye kitna achha hay. Aap sallallaho alaywasallam nay irshad farmaya: Tumhari Maut ki waqt firishta zaroor ye kahay ga.
(Tafseer-e- Tabari, jild 12, safha 581, Hadees 37213)
Sarkar-e-A'la Hazrat Imam Ahmad Raza Khan farmatay hayn: (Hazrat Abu Bakr Siddiq ) jab say khidmat-e-Aqdas (sls sle abi ja) mayn hazir huway kisi waqt juda na huway.
Yahan tak keh ba'd-e-wafaat pehlu'ey Aqdas mayn aaraam farma hayn.
Ayk martabah Huzoor-e-Pak sallallaho alaywasallam nay dahinay dast-e- Aqdas mayn Hazrat Siddiq ka hath liya aur ba'ayn dast-e-Aqdas ka hath liya aur farmaya: Hum qiyamat kay roz yun hin utha'ey ja'ayn gey.
(Tirmizi, jild 5, safha 378, Hadees 3689)
Intiqaal Shareef Siddique E Akbar (Abu Bakr)
 |
| /Shan-E-Siddique-E-Akbar |
"Aashiq-e-Akber Hazrat Sayyiduna Siddiq-e-Akber 22 Jumadal-Ukhra san 13 hijri baroz-e-Peer Shareef 63 saal ki mayn dunya say rukhsat huway.
(As-Sunan-ul-Kubra Lil- Bayhaqi, jild 3, safha 557, Hadees 6663)
Ba-Waqt wafaat zabaan-e-Mubarak per aakhiri kalimaat ye thay: Ay Perwardigar! Mujhay Islam per maut 'ata farma aur mujhay nayk logon kay sath mila day.
(Ar-Riyad-un-Nadarah, jild safha 258)
Kalimah-e-Shahadat ki barakat Shan E Siddique E Akba Ki.
Hazrat Abu Bakr Siddiq ko un ki wafaat Shareef kay ba'ad logon nay (khuwaab mayn daykha) daykha aur puchha keh ay Ameer-ul-Mu'mineen!
Aap apni zabaan kay baray mayn farmaya kartay thay keh is zabaan nay mujhay halakat ki jagahon mayn giraya hay tu Allah Pak nay Aap kay sath kiya mu'amila farmaya?
Tu Aap nay farmaya keh mayn nay lailaha illalla mohammadur rasulallah Parha tha, tu isi zabaan nay mujhay Jannat mayn dakhil ker diya.
(Ihya-ul-Liloom, jild 4, safha 431)
'Aashiq-e-Abu Bakr, Shan E Siddiq-e-Akber ki Mubarak zindagi hamaray liye behtireen misaal hay, Aap kay 'azeem darajay per puhnchay huway thay.
Aap ki her her ada goya Sunnat-e- Musatafa thi. Ay Kash! Sad Karor Kash! Hum Ghulaman-e- Ay Siddiq-e-Akber bhi Sunnat-e-Musatafa per mazbuti say 'amal karna.
shuru' ker dayn, na sirf khud balkeh ghar ghar neki ki Dawat puhncha ker dosron ko bhi sunnaton per chala ker is shan say dunya say ja'yn.
Jaysa keh Aashiq-e-Mah-e-Risalat, Ameer-e-Ahl-e-Sunnat Hazrat 'Allamah Maulana Muhammad llyas Attar Qaadiri Razawi Ziya'ee
Likhtay hayn:
Jannati Ibn Jannati, Sahabi Ibn Sahabi, Hazrat Abu Bakr Siddiq samayt tamam Sahaba-e-Kiraam ki Ghulami ka haqeeqi jazbah panay aur dil mayn ishq-e-Rasool ki shama' roshan karnay kay liye Irfani-Islam.in kay piyaray piyaray Mahool say wabasta ho ja'iye,
Sahaba-e-Kiraam ka nihayat adab kijiye
Sadr-ul-Afazil Hazrat 'Allamah Maulana Sayyid Muhammad Na'eemuddin Muradabadi farmatay hayn: Muslaman ko chahiye keh Sahaba-e-Kiraam ka nihayat adab rakhay.
aur dil mayn in ki 'aqeedat-o-mahabbat ko jagah day. In ki mahabbat Huzoorsallallaho alaywasallam ki mahabbat hay aur jo bad naseeb, Sahaba ki shan mayn bay adabi kay sath zabaan kholay.
woh dushman-e-Khuda-o-Rasool hay. Musalman aysay shakhs kay pas na baythay.
(Sawanih Karbala, safha 31)
Gustakh-e-Sahaba (Siddique E Akbar) say dor raho
Hazrat 'Allamah Jalaluddin Suyuti Shafa'ie "Sharah-us- Sudoor' mayn likhtay hayn: Ayk shakhs ki maut ka waqt qareeb aa gaya tu is say Kalimah Tayyibah parhnay kay liye kaha gaya.
Is nay jawab diya keh mayn is kay parhnay per qadir nahin hon kiyun keh mayn aysay logon kay sath uthna baythna rakhta tha jo Mujhay Abu Bakr-o-Umar kay bura bhala kahnay ki talqeen kartay thay.
(Sharah-us-Sudoor, safha 38, Markaz-e-Ahl-e-Sunnat barakat Raza Al-Hind)
Dosti rakhnay ka ye wabaal keh martay waqt Kalimah naseeb nahin ho raha that u phir jo log khud tuheen kartay hayn un ka kiya haal hoga!
Lihazah Shaykhayn-e-Kareemayn samayt tamam hi Sahabah-e-Kiraam kay gustakhon say dor-o- nufooz rahna zaroori hay.
Sirf 'Aashiqan-e-Rasool-o- Muhabban-e-Sahabah-o-Awliya ki suhbat ikhtiyar kijiye, in 'azeem hastiyon ki ulfat ka diya (Ya'ni charagh) apnay dil mayn roshan kijiye aur donon jahanon ki bhala'iyon kay haqdar baniye.
Apnay bachhon ko bhi ye sikha'iye keh Her Sahabi-e-Nabi Jannati Jannati Hai Sahaba-e-Nabi Jannati Jannati Hazrat Siddique E Akbar bhi Jannati Jannati Aur Umar Farooq bhi Jannati Jannati Hazrat Usman bhi Jannati Jannati Fatimah aur Ali Jannati Jannati Her Zauja-e-Nabi Jannati Jannati. Ye Hain Shan E Siddique E Akbar.
ये भी देखे :
.jpg)
.jpg)
.jpg)
